二零零六年六月二十一日 星期三
乘著世界杯熱潮,由今日起至九月在香港歷史博物館會展出足球歷史展覽,
今天跟家人(弟弟去了Camp不在此內)穿著波衫參觀(英格蘭對巴西!2比1~),
一入門口已經見到大大個碧咸腳傷模型放在展廳外的大堂內,感覺好奇怪,
但無論是否入場參觀的人都會前來拍照留念。
這個才是真正的入場招牌,反而沒什麼人上前拍照,但也有女球迷在親吻相中人合照。
其實展覽的場地不算太大,不過如果對足球有興趣的朋友友還是有些有趣的資料。
第一個部份是足球的起源,初代足球只用繩穿著皮球,感覺好兒戲。
而我們就由相反方向入去,結果就先看了香港足球的歷史。
想不到香港人當年對本土也足球的熱愛程度會那樣熱列!
只是展品和相片已經可以想像得到當年“盛世"的景像。
某雜誌當年的封面…那個男的是球王比利,女的是…鐘楚紅!!!!
然後就看回一些國際足球的發展和不同年代的球衣。
古時(…)的球衣真的很娘呢,現在看起來真的很搞笑。
成件睡衣咁既皇馬球衣(好像是196x年代)
會場內還有些經典足球片段啦!
馬勒當拿的上帝之手和中場起一個扭六個的片段也有展出。
大約花了一小時去行和看資料,總算滿意~
在場館內聽到某入場人仕不停在討論某評述員講錯足金鳩金球…
是這個足金鳩金球嗎?
荷蘭對阿根廷雖然可以見出阿根廷的水準的確高班,
不過大家也出線了,就冇謂博生博死,和波收場,回水呀!!
晩上自制了這個XO醬蒜容牛油煎雞翼做送波小吃。
其實煎雞翼都很考功夫的呢!
醃和調味,熟透而不乾身,脆皮而保持肉汁。
放調味料的先後,時間的掌握都是一門學問,
全都是由娘親那裡偷師回來的。
BB吃過也讚好(笑)
點解你舖舖都係雞翼….?
成個雪櫃都係雞翼嗎?
定係你而家除左雞翼其他野唔食得…?
[回應]
唔同架!上次係焗,今次係煎~呵
因為個冰霜有4磅雞翼,所以就整囉~
仲有其他野食架,有餃子,燒賣~
[回應]
真係一櫃雞翼….
[回應]
唔通睇波一定要食雞翼?
近來無論同咩人睇波,同台硬係有人叫/整/食雞翼,可惜我麻麻架
[回應]
講錯o野o個單o野,係無線兩個足球節目主持人(蔡育裕&招積)o係無線猴年送金猴o既競猜遊戲做宣傳時,不斷講錯金猴做鳩猴而引起,講錯o個個應該係招積,youtube可以搵返o黎睇~
[回應]
::shadowzo::
雞翼夠野味~又夠易整
最緊要係佢有舊骨,可以過下牙癮!
唔食都可以“算“下。
::阿光::
係喎!我記得喇!
[回應]