二零零六年九月八日 星期五
到市中心清理今個月的爛數,順便約上上落落的Edgar吃午餐。
到小巴黎吃了個會肚痛但味道不錯的咖啡牛肉飯,
沒心的到看完唱片後就先各散,進行我父拜託的任務。
最近對一些有關整電腦的“老馮“任務開始感到有些煩厭,
不論是親/朋/戚/友/親戚的朋友/朋友的朋友,
一直都會有問題就打電話問電腦,
當然我是很樂於解答的,但當去到人人都打來想幫手
想買/幫買/想整/幫整/換/看/搞/裝/砌
就會變很好像因為你是讀電腦,所以就要找你發揮“專業技能“。
不過老頭的任務都要硬吃的了。。。算吧
不知大家有沒有這樣的經驗呢?
回家再次集合,跟老Ed夾歌練歌Jam歌。
其實以上的三個字眼看似一樣,但其實在具體意義上是有分別的。
夾歌:求的是合拍,能把不同的樂器聲音調合成一體。
不論是節奏,音量,分工,都要好好的去做平衡和協調。
練歌:求的是精準和熟練,除了技巧和對歌曲的熟練,
也是能“盡所能地“做到自己(團隊)的極限。
Jam歌:求的是創造性,發揮和應用自己所有的知識,技巧,
跟別的樂手溝通,交流和互動。
希望我的小小“要求“能成為推動力而不是負擔吧。
跟Edgar花了些時間去“音樂Brain Storming“,希望能尋找到心目的聲音:
令人愉快的,震奮的,激勵的,有趣的
很佩服他的創造性,多變和會不斷賞試的精神。
雖然,偶爾都會Hea下,不過今天的“創造“,
給了我對想尋找的聲音有一些啓發。
期待一天可以尋覓到那組音符。
老馮任務初頭我都同你一樣"無所謂"
但到了自己已覺得辛苦的地步時,我就會只做顧問
[回應]
那一間比較好,委託人看過的組合我只會說評語
夾歌練歌Jam歌:
我同你既諗法一樣,字眼好緊要~其他既就無補充了
音樂Brain Storming:
我而家都重複又重複咁聽自己而家中意既音樂,記低d音以作備用
我都好開心我同你想走既音路係一樣~"beat crusader" + "jazz" + "funk"~
[回應]
顧問? 別傻了…
「買廠機啦…」
包送貨齊driver一開即用, 入面佈線仲好靚添….何必徙心機
註: 萍果電腦都係廠機考慮之一
[回應]
你到今日先至有怨言都已經好勁。
我好耐之前已經唔再幫人攪,
因為d人唔係電腦有事係唔會搵你…
而家係唔係都叫人買廠機,唔駛煩。
諗起 thinkgeeks 有件tee好正:
"no. i won't fix your computer."
[回應]
我新砌部機RUN得唔係好順﹐你過兩日黎同我搞搞佢啦播 :P
[回應]
好耐之前我都係個個星期日去"開工"整機, 整整下就覺得… "小!! 我 d 假呢 ??"
無整之後, 果 d 人全數消失…
果 d 人可能係興趣不同, 無咩話題, 所以都好少搵, 除非係整電腦啦… (汗)
[回應]