二零零九年八月二十九日 星期六

萬眾期待的黃子華棟篤笑又來了。
作為超級忠實支持者，那有不看現場支持之理？！
最近幾場的棟篤笑出碟時間實在太等久，如果等完Show出碟才看，能忍得到嗎？！
上次越快樂越大鑊的ＤＶＤ同場出售，這個策略太好，反正支持者都會看現場。
現場看的氣氛實在太捧，還有一些即場爆肚的笑位，都是看碟不能感受到。

Show Time!  （內無直接透露演出內容）

自從子華在「無炭用」後不再談政治，表演內容不但沒受影嚮，入場人數有增無減。
作為有「哲學根基」的演出的確在各個話題上都能幽它一默。
話題大眾化得下放到不去理會時事的年輕人也能共鳴。
然而，作為愛之深挑之切的我不能說是失望，只是收貨！
我肯買，因為佢肯賣。

是次話題同樣回到香港人，一個大家都會共鳴的話題。
咁多年黎，其實大家都無進步過，同一樣的事件不斷發生，
同一樣的不幸，冋一樣的自嘲，同一樣的笑位。不過Rephrase了。

有些導入性的話題，轉了題目，好像引子充足，卻連貫性不夠。
當然在個別主題上是依然精彩，而整個主題，好像失去了焦點。
是我不夠專心？還是腦力不夠呢？
等出ＤＶＤ，再慢慢細味，現在只想好好的大笑一場！

狠狠地大嗌回水吧！

回水除褲文化，已經成為子華talk Show的一部份。
就像今次其中一個主題「自拍」一樣，回水，除褲，唔做，個Show就真係白做。
棟篤笑依然有好多人講，十年前講過：
「有人以為棟篤笑係大家一齊講，不過記住，主要係我講。」
適度的互動能令個Show如虎添翼，其中一個例子 （呢個因為係爆肚，唔算劇透吧？）：
觀眾Ａ：「你好正呀，I love your body！」
子華：「哦，你淨係Love我個Body，咁我個頭好Hurt囉」
「如果有一日，Mary個男友同佢講，嘩，我好鐘意你．．．個Body，你話Hurt唔Hurt？」
這就是功力呀！

除了回水文化，阿強都已經成為另一個棟篤笑的笑點。
睇開子華的朋友，一定會知邊個係阿強。
依家只係一開口講「阿強」，老朋友已經識得笑。
點解阿強咁好笑？因為阿強，就好似我朋友個朋友個朋友一樣，遇見既事都係匪而所思，不可思議。
阿強正好代表香港人，一樣咁匪而所思，不可思議。
因為有阿強，所以黃子華係會永不止息的。

子華Good Show！